التعليم المفتوح......مفتوح لحد فين

نظام التعليم المفتوح نظام اصبح منتشرا جدا بهدف الحصول على مؤهل عالى

نظام الهدف منه اعطاء فرصه لاصحاب المؤهلات المتوسطه او التى لم تسعفهم الحياه بالحصول على القسط الذى يرغبون ف التعليم

ليشبعوا رغبتهم فى المعرفه

لحد هنا والكلام جميل وعنب خالص

بس كان من اهم شروط التعليم المفتوح ان يكون مر خمس سنوات على تاريخ الحصول على المؤهل الاول

سواء كان ثانويه عامه او دبلوم او اى حاجه من شهاداتنا العظيمه فمصر

لكن السيد وزير التعليم العالى حفظه الله وسدد لطريق الخير خطاه

افتكس افتكاسه جديده

اصدر قرار غريب جدا

قال ايه خريج الثانويه العامه والازهريه والدبلومات دفعة السنه دى يقدر يدخل تعليم مفتوح عادى

يعنى يبقى العيل طلعان ميتين اهله فى الثانويه العامه علشان يدخل كليه وبعد ما يدخلها التنسيق الداخلى للكليه يذل اهله كلهم

وميدخلوش الشعبه الى هو عايزها

بس فى نفس الوقت الطالب الى جاب 50% يدخل تعليم مفتوح والقسم الى هو عايزه علشان دفع 1700 جنيه

طيب انا مجنونه وانتوا عاقلين

ايه الى يتعب العيل ويقعد يذاكر وياخد فى دروس يخرب بيها بيت اهله

طيب ما يوفر فلوس الدروس ويدخلبها اجعس كليه فى التعليم المفتوح

والحقيقه وعلشان منظلمش السيد الوزير هو مطبقش الكلام ده على كل المحافظات هو طبقه على اربع جامعات

منها جامعة المنيا وتحديدا كلية الاداب قسم الاعلام

الى بياخد فى التنسيق الداخلى للكليه 80% من مجموع اللغات

يعنى يبقى الطالب داخل الاداب من التنسيق بس ملوش حق فى قسم الاعلام علشان مجموعه قليل فى اللغات بس زميله الى مجبش مجموع فاى حاجه يدخل القسم ويدب صوابعه فعين التخين علشان سدد الرسوم بيشترى الشهاده بفلوسه

واخيرا احب اهنى الاستاذ الى سمى العمليه دى تعليم مفتوح

بس هو فى سؤال التعليم بتاع مصر مفتوح لحد فين!

احسن الدنيا حر خالص ومش هنقبل باقل من تعليم فوق الركبه

بيت صغير

بيت صغير هو كل ما اتمناه يغفو فيه طائرى الصغير

مكان يجمعنا سويا

ارعاه فيه او اخنقه كما يقول

اراقبه اثناء نومه(يبدو فى منتهى البراءه عندما يكون على طبيعته)

اتامل عينيه الدامعتين

اشعر بمنتهى الحنيه والدفء فيهما

هو طفلى الحبيب

يقتلنى بعدى عنه

استمتع بمتابعة ما يحكيه ايا كان

لا افهم ابدا او لا اهتم بكل تلك التفاصيل التاسيسيه السخيفه

فما نحتاجه قد اسسناه فعليا

ما نحتاجه هو ذلك الشعور بالفرحه الذى يغمرنى يوم مجيئه

هو ذلك الشغف بسماعه يحكى

هو ذلك الدفء الذى يتسلل الى قلبى وهو بجانبى

خوفى عليه من نفسه

فزعى عليه من كل شئ

لا افهم ابدا ما فائدة تلك الاخشاب المسماه اثاث فى بيت يغيب عنه ذلك الشعور الذى احسه

ليكن هناك اثاث او لايكون

لتكن تلك الغرف واسعه او ضيقه

لتذهب كل تلك السخافات التعجيزيه الى الجحيم

يكفينى انه بجانبى