البلد محكومه بقانون الطوارئ منذ اكثر من 24سنه من غير لازمه ولا امر طارئ
بس انت مالك خاف على مستقبل عيالك واوعى تتكلم
مهزله انتخابيه وسيرك قومىو88.8والريس بقى ريس تانى وابنه كمان هيبقى ريس واحفاده كلهم
لكن انت زعلان ليه هو انت كان عندك امل فى العرش لنفسك اوعى تتكلم
الدنيا تقيد مظاهرات وتولع كفايه على 9 مارس على ادباء على اطباء
دى ناس فاضيه اعمل اطرش
واوعى تتكلم انت عندك عيال
البلد بتتباع حته حته مصانع وشركات
سكر وحديد واسمنت وبنوك وكهربا وميه اعمل اعمى واوعى تتكلم
اللحمه والفراخ والسمك يغلىوهتموت انت والعيال من الجوع استحمل
ايه يعنى الى هيجرى عليك هيجرى على غيرك لكن اوعى تفكر تتكلم
قطارات تولع بالناس الغلابه يموتوا متفحمين بدون ديه لكن اكيد هما الى مخطئين
اقنع نفسك واخر حاجه ممكن تعملها انك تتكلم
اعتقلوا اخوك من يجى 25 سنه ومتعرفوش عنه حاجه لحد النهارده
حاول تنساه هو ماضى واولادك مستقبل
ابنك يتخرج من الكليه وتدفع دم قلبك رشوه علشان يتعين ويتنصب عليك
تكتشف انه لا مستقبل لا ولادك فى هذا البلد ابلعها ولكن اياك ان تتكلم
تبيع الى وراك والى قدامك علشان عقد عمل فى الخارج لاحد ابناءك
وبعد سنين فراق وغربه ومرار يغرق مع العباره السلام 98 او غيرها
وكل ما يبقى لك من اولادك جثامين فارقتها الحياه
هاه
عايز تتكلم وتلطم وتشق الجيوب
على مستقبل اولادك ومستقبل بلدك ولكن للاسف اخترت السكوت حتى اصبح مفروض عليك
اذا مش نازلين للناس فبلاش\ الزم بيتك وابلع صوتك
وافتكر اليوم ده تاريخ موتى وموتك
Falling hearts Here
هناك 20 تعليقًا:
معاكى حق..ما هو دا المخطط بقى
بقيت بحس ان المقصود ان الناس تتلهى فى قوتها و فى عيالها و تشد فى شعرها من الحالة الاقتصادية و متفكرش فى اى حاجة تانية اصلا ... فطبيعى انك تلاقى كل واحد خايف على عياله و مرتبه و عيشته و مالوش دعوة بأى حاجة فى الدنيا ولا اكنها بلده ولا يعرفها
ياااااااااااااااه
انا مبقيتش عارفة أضحك و لا أعيط
؟؟؟؟؟؟؟؟؟
السخرية من كل شئ قدامناعلى قد ما بتدهشنا بغرابتهابس بتوجعنا
حال البلد للاسف مش زى ما بنتمناه أبدا ... و ياريته بيتصلح
بس هنعمل إيه
ما انت بتقول اوعى تتكلم !!!!؟؟؟؟
:)))))))))))))))
هانتكلم علي ايه ولا ايه عندك كل حاجة غليت الضعف لما طلع كلام ان المرتبات هاتزيد تفتكري اتكلمنا اعترضنا اللهم مالا اعتراض
رضينا بالهم والهم مش راضى بينا - سكتنا على كل حاجة على أمل إنها تتغير لكن كل حاجة حالتها بتزداد سوء - طب وبعدين هنفضل على طول مطنشين هنفضل ننفض وندور وشنا لحد مايجى يوم نصعق من هول الأقدار أو نسأل أحنا مين؟ - حال البلد لا يسر عدو ولا حبيب , العدو شمتان فينا ده إن مكنش هو اللى بيعمل فينا كده والحبيب بيقول مالبيد حيلة حالك يا صاحبى من حالى ---- لنا الله ---
يوستك جميل ورائع , واصلى التقدم
تحياتى لك
محمود
معاكى حق بجد بس مش حاسه انك قسيتى قوى على البلد
انا زيه زيك بس ده برضه بلدنا ونستحملها ولو حاكمها يبقى مورث
هنهتف ضده وضد نظامه لكنها بلدنا
بجد موضوع ولا اجمل بجد يا قلوب
ملعون فى كل كتاب يا داء الخرس
شكرا
اهى كلمة انا مالى ديه هى الكارثة
انا لسه عندى امل ان الناس تفوق وتعرف ان السكوت عمره ما هيكون حل
دى اول زيارة ليا هنا بس بجد بحييكى على مدونتك الجميلة
تحياتى
لن يدوم الحال باذن الله
فدوما الحال من الحال
ودولة الظلم ساعة ودولة الحق الى قيام الساعة
دمت بخير
جئت ملبيا دعوتك الكريمة
ـــ
الحياة اصبحت تحمل هموماتتباكى لها الاعين وتبكى لها القلوب واحيانا تغنى
ــ
دمت بخير
ما هو للاسف يا قلبى السلبية دى هى اللى موديانا فى ستين داهيه
وكل واحد يقول للتانى امشى جنب الحيط وربى ولادك
لحد ما بقينا زى الحشرات بنمشى جوا الحيط
محبتى يا جميلة
والله مش عارف هي سلبية ولا انعدام شعور بالانتماء ولا ايه بالضبط
ربنا يرحمنا برحمته ويبرم لنا امر رشد
تحياتي
dina
هو ده فعلا بيت القصيد كله بقى ملهى على عينه فى لقمة العيش
لدرجة انه ممكن يبيع حد من اهله علشان عشر ترغفه
ايمان
نورتينى
انا بقول اوعى تتكلم
لكن نفسى كل الناس تصرخ
المفقوعه مرارتها
هو ده الى بيملكه كل الشعب
انه يتحسبن بس
_________________________
محمود شكرا لتشجيعك واتمنى تكرر الزياره
صوت من مصر
هى قسوه فعلا يا محمد
بس قسوة بلدنا علينا جامده
قسوة ام على عيالها
ومع ذلك بيحبوها
رئيس جمهورية نفسه
منور يامعلم انت وجاهين
ملعون ياداء الخرس
لحظة تامل
المدونه زادت جمال بزيارتك ياقمر
_______________________
صاحب المضيفه تحيه لتفاؤلك
ويارب دايما عندك امل
________________
انكسارات سعيده بزيارتك
وربنا يكفينا شر الانكسارات
desartcat
محبتك ومحبتنا لبعض ولهذه البلد هو ما نحتاج اليه للتخلص من هذا الهم
بتتاخرى فى الجديد ليه
متعرفيش ايه الصمت اللى مسك فينا ده
ده احنا اكتتر شعب شايف الذل وساكت متعرفيش ايه ده ولييه كده
ليه ياشعب مصرنا ساكت
ولو هنتحرك هنعمل كتييير قوى ونحرر بلدنا من اللى هى فيه
تحياتى ولاء
إرسال تعليق