اسطورتك الذاتيه

حكايات سندريلا والشاطر حسن
حكاية سنوايت
حكاية الاميره المسحوره
كل الحكايات الى فيها احلام صغيره بريئه
بتحلم فيها الاميره بالفارس بتاعها يجى يخطفها على الحصان
بس الاجمل من كل الحكايات دى
حكايتك انت
الحدوته بتاعتك الى بتعيش تفاصيلها
الى بتفرح معاها وتتالم معاها
اسطورتك الذاتيه
انت فيها الفارس واميرتك يمكن تكون حبيبه رقيقه
او فرصه بدور عليها من زمان
او بلدك الى بتحلم انك تنقذها من الغوغائيه
اجمل حاجه فحياتنا معاركنا
انتصارتنا وانكسارتنا
احلامنا الصغيره الى بتنداس فى زحمة الحياه
او نجاحتنا الى قدرنا نحارب ونوصلها
اكيد بتقولوا ايه لزمة ده دلوقتى
لانى فرحانه جدا سعيده بشكل خايفه قلبى ميحتملهوش
اصلى اخيرا بكتب اسطورتى الذاتيه مع اجمل هديه ربنا بعتهالى مع جوزى وابنى وحبيبى
احساسى بانى انتصرت
عديت على كل خطوط الخوف والالم الى فى السكه
وارتحت اخيرا فحضنه
بكره هحكى للبنوته او للعفريت الى ربنا هيدهولى وهقوله كان ياما كان كان فيه
اميره بتحلم باميرها
ولما لقته الدنيا بخلت عليها بيه
والظروف عاندتها وعاندته
وانكسرت كتير بس فى الاخر علشان هى عنيده انتصرت
وسبيته هو بس يهزمها وياسرها فحضنه