يعنى ايه انسان مثقف
فيه خصله زى الزفت فى المصريين ادعاء المعرفه حتى لو مكنش عنده علم بالموضوع من اساسه
كان الاعتراف بان البنى ادم ميعرفش عيب (و لامؤخذه ميعرفش مش قباحه علشان عارفه نفسياتكوا المريضه)
هو يعنى ايه مثقف
مش معناها انه يعرف كل حاجه فى الكون يا اخونا
معناها انه انسان واعى على قدر من المعرفه بالمعلومات العامه وعنده فكره الخاص وقناعته الشخصيه
ولو بجد انسان مثقف هتلاقيه يسال ويعترف انه ميعرفش المعلومه دى او الموضوع ده ويسال الى يعرف
بس خلاص
كلمتين كانوا مزنوقين فى حلقى وقلتهم
سلام
الاشتراك في:
تعليقات الرسالة (Atom)
Falling hearts Here
هناك 18 تعليقًا:
ازاى يعنى الواحد يقول معرفش؟
انتى متعرفيش ان كلمه معرفش عند شعب
مصر تساوى الجهل؟
وبما ان فيه ناس مدعيين علم ومعرفه
فكلمه معرفش عندهم تبقى فعلا قباحه
والواحد منهم برضه تلاقى مرادف كلمه
ثقافه عندة انه يتكلم فى كل شئ
أبتدأ من الطب حتى علم الفلك مرورا
بالميتافيزيقيا وعلم الجلوجيا وحتى فن
الطبخ
عارفه
كلمه معرفش بتطلع منى كتير فى شغلى اول ما ابتديت اشتغل
اتقال عليه غبى جدا استحملت ودلوقتى ؟
مسمعتهاش تانى
بس مشكلتى انى صريح انى اقول مبعرفش ولا اكدب واقول اعرف واعك الدنيا ببعض
كلام حلو قوى يا شيماء
بما ان كلمة مثقف بجد ممكن تنطبق على ناس قليلين جدا حوالينا
فناس كتير مش فاهمة معناها
وفعلا المعنى واصل ليهم ان مثقف يعنى بيفهم فى كل حاجة .. ابو العريف يعنى
بس مش عارفة امته الناس هتبطل تفتكر كده
كلمتين بس غاليين
تحياتى
على فكره
الناس لو تعرف ان كلمة مااعرفش دى بتريح قد ايه
مش قاصد المعنى اللى انتى بتتكلمى عنه
لكن بمعنى تانى هاتكون حبيب الحكومة وابنها البار المطيع ..
وساعتها هاتمن عليك بالمنح والهبات
على الاقل هاتكون مطمئنه ان ماحدش هايسالها عن اللى هى بتعملة لانة من الاخر الناس مابتعرفش
اما بالنسبة للمعنى اللى انتى بتتكلمى عنه .. احبك اقولك ان الناس غلابة
المسلسلات اكلت دماغهم
يعنى انتى متخيله انى لما اشوف الهام شاهين فى مسلسل بتعرف كل حاجة وماحدش قادر عليها لحد ماالمسلسل يخلص وهى عارفة كل حاجه حتى نوايا الممثليين اللى بيمثلوا معاها والمشاهدين كمان.. اجى انا اقول مااعرفش , ده حتى يبقى عيب على شنبى ...
بس ياترى من اللى خنقك بكلمة انا عارف كل حاجة وخلى دمك يتحرق لدرجة انك تنسى تحطى بوست للمدونة .. وشكلك كان بيبكى من حرقة الدم وانتى بتكتبى الموضوع .. اكيد الاخ كان واحد من المنياوية المتأصلين .. حبايبى مووووووووت..
يلا سلام قبل ماالخبط فى الكلام
لكي كل الحق
دي بالضبط عاى عكس كلمة معلش التي مثل الطاعون ومنتشرة بيننا مثل انتشار النار في الهشيم
وأذكر زمان كان لها كلمات في اغنية توعوية لمنير
بتقول
معلش.. معلش
عدو عايش جوانا
يضر كمان مايفدش
ممكن يعطل مسيرتنا
نفضل مانتقدمش
وشعب عاوز يتقدم
لازم يحطم معلش
معلش معلش
احنا دايماً كده الكلمة التي من المفترض نقننها.. نُفرط في ترديدها
والكلمة التي مباح ترديدها
نغلق عليها بالضبه والمفتاح
المهم ان انتي قلتي الكلمتين اللي كانوا في حلقك وهو ده اللي يهمنا هنا في عملية التدوين
دمتي بكل خير
تحياتي
حسن ارابيسك
عزيزتى
ادعاء الثقافة ده شئ سخيف .ويدل على اصرار صاحبه على الزج بنفسه فى بحر ...
فى حين انه لايعرف العوم .. يعنى غرقان غرقان
اللى ميعرفش مش عيب .. يسمع ويدرس ويعرف ..لكن للاسف هؤلاء المدعين عندهم قدرة مذهلة فى المجادلة الهوائية .. التى تقوده فى النهاية الى اكتساب سخرية وازدراء الاخرين ..
وما اكثر الفتاوى والاندفاع للنصيحة اللى ممكن تذهب بمتلقيها الى الهاوية
اللهم ارحمنا من شرهم ..ومن فتاويهم
آمين
كناريتى الجميله
وفوق كل ذى علما عليم
يعنى لما يقول لا والله معنديش فكره هيبقى من الكفار
ياساتر على ده طبع
صوت من مصر
فى الاول كل سنه وانت طيب
وليه يقولوا عليك غبى
سبحان الله على ده شعب يعنى البنى ادم ربنا خلقه ليه فى الدنيا مش علشان يتعلم ولا هو ابو العريف يعنى
سعيده ان الكلام عجبك
لحظة تامل حضورك عندى هو الى غالى
عندك حق لدرجة ان ناس كتير بتتكسف تقول معنديش فكره وتتظاهر بالمعرفه
قديسك مولاتى
هى وجهة نظر برضه يا عم المحلق
اقصد موضوع الهام شاهين طبعا
بس مين قال ان الى حرق دمى راجل ومين قال انه منياوى
فى الحقيقه هى صفه غبيه فى شعب مصر كله
العزيز حسن ارابيسك دمت بكل الخير ودامت زياراتك
بالمناسبه انا بعشق منير
وميض ابتسامه
القصه مش انه يغرق بس
لا كمان هيغرق الى معاه ويخنق الى حواليه
شيماء ازيك اخبارك اية
انتى بتتكلمى عن آفه اصبح كثيرون يتشدقون بها
احترام العقول الاخري مهم لكن من يعلم ذلك فمجرد ان البعض شعروا بأنهم حصلوا على اشياء اضافية يبدأوا في طريقهم للتخلف
طبقى هذا المبدأ على كل شئ
اتمنى الخير للكل
تحياتي
سيد سعد
إدعاء شخص ماألثقافة لنفسه يكون لأمرين: أما لعجرفته أو لغباءه
المشكلة ليست فيه هو وإنما بمن يتعامل معه على أساس أنه كذلك، وإلا هو في حد ذاته يكون شخصية مضحكة.. تحياتي
أين أطروحتك الجديدة التي إعتادنا عليها
تحياتي
العزيز سيد سعد
تسعدنى زيارتك على الدوام
اتمى ان تكون بخير حال
يبدو ان الافات فى مجتمعنا اصبحت كثيرة ولا حصر لها
دمت بخير
سراج وجهة نظر صائبة
تحياتى
العزيز حسن ارابيسك
يسعدنى سؤالك
إرسال تعليق