عن ذلك الكائن الرابض فى اعماقى
الى هو انا!
انا.. دى مضايقانى جدا
كل شويه كلام وذن ومناقشات
وكله كوم ولما اتكسف ولا اتحرج قدامها ده كوم تانى
تفضل تقولى لما حصل ولما اتنيلتى ولما اتقندلتى
واكيد كلكم عارفين انه ممكن تهرب من اى حد الا من نفسك
هروح منها فين
علشان كده اتعودت احترم نفسى واراعى افعالى ومبقاش عيله هبله ولا عبيطه
علشان انا متقرفنيش فعشيتى وتخلينى اصغر فنظرى
طبيعى انكم تقولوا ان الى بقولوا ده نوع من المرض النفسى
واكيد حد هيقولى روحى يابنتى اتعلجى
بس والله العظيم ده انا
المشكله ايه؟
هقولكوا
المشكله ان الى احرجنى وكسفنى قدام نفسى حد عزيز عليه
اتصرف معايه بطريقه خلتنى ماحترمش نفسى
وخصوصا
انى مقدرتش ارد عليه بالطريقه الى يستحقها الموقف
دلوقتى نفسى مبتحترمنيش وشغاله عليه الله ينور
مش عارفه دلوقتى اخلص منى
ولا هقدر اضايق البنى ادم ده
تقدروا تقولولى اعمل ايه؟
الاشتراك في:
تعليقات الرسالة (Atom)
Falling hearts Here
هناك 9 تعليقات:
من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب
كل التحية
ياه
هقولك انتى تروحى ترمى نفسك الى مضيقاكى فى النيل منها تغسل وشها بميه النيل الطاهره والتانى الاحلا طبعا انها تختفى منها الشر والهموم وترجع لنفسك الطيبه
نفسى اشوفك دايما
المهم اتجوزتى ولا لسه
صاحب المضيفه
استغفر الله العظيم يارب
والله من الخنقه مبقلش غيرها تقريبا
صوت من مصر
والنبى ليك وحشه
شوف هى نفسى مش شريره ولا حاجه
هى عندها حق
ده اسمه حوار الذات
بس المشكله فى الى حواليه الى مبيرعوش انهم لما ميحترمونيش مش هاقدر احترمهم
ولما اكره نفسى مش هاقدر احبهم
لا متجوزتيش لسه
اه دى مشكلتى على فكرة بردو....نفسى و اه منها نفسى دى...و خصوصا لما اختراع كدا انا مسمياه(المهزاتى)يشتغل.....دا غير الضمير بقى...حاجة كدا شغلانتها انها تمسح بكرامتى الارض....لما بقت حاجة صعبة و الله يا بنتى
مش عارفة اقولك اسمعى كلام نفسك و خلى قوتها تقودك و لا اقولك اسمعى كلام قلبك و استعبى برقته مهما كان الموقف
انما الاحلى...اعملى استخارة و ادعى ربنا يهديكى للى فيه الخير ليكى و حتلاقى القرار اتاخد لوحده
و طمنينا عليكى
بالعكس دي حالة صحية
مش شايف اي أشباه للمرض النفسي هنا
واضح انك انسانة تعي تصرفاتها دائماً لذلك هناك حساب منكي اول بأول لها بس الموضوع عالي شوية معاكي
لاتقسو على نفسك كثيرا فهي نفسك
ولكن أيضا لا تطاوعيها طاعة كاملة وقتها فقط ستجنح بك الى مالايحمد عقباه
ادعو لكي بالهدوء والسكينة والراحة والتوافق النفسي داخلك
تحياتي
حسن أرابيسك
اعكسي العكلية بدل ما تبقى حاجة مضايقاكي خليها حاجة مش تتكرر تاني ولا من الشخص ده ولا من اي حد تاني وبكده تنتهي المشكلة
تحياتي
منهم لله
النفس اللوامه ومواجهات الضمير ومائات الحسابات التى تدور داخل العقل من كثرة التفكير
اتمنى ان تنعمي بنفس مطمئنة
تقبلي مروري
سيد سعد
إرسال تعليق